• Labaran yau

    Melaye vs Adeyemi: APC ta yi wa PDP fintinkau a sakamakon kananan hukumomi 4 cikin 7

    Legit Hausa

    Smart Adeyemi, dan takarar jam'iyyar APC a zaben kujerar sanatar
    mazabar Kogi ta yamma yana gaba da Dino Melaye na jam'iyyar PDP a
    sakamakon kananan hukumomi hudu cikin bakwai da aka fitar kawo yanzu.
    Yayin da Adeyemi ya samu kuri'u 5,609 a kananan hukumomi hudun, Melaye
    ya na da kuri'u 1882 hakan na nuna akwai banbancin kuri'u 3,727
    tsakaninsu.

    A karamar hukumar Lokoja, Adeyemi ya samu kuri'u 4,659,
    Dino kuma ya samu 920. A Mopa Morou, dan takarar na jam'iyyar APC ya
    samu kuri'u 309 yayin da abokin karawarsa na PDP ya samu kuri'u tara
    tak.

    Duk da cewa Melaye ya samu rinjaye da kuri'u kalilan a Koton
    Karfe da Ijumu inda 'yan takarar biyu suka fito, kayen da ya sha a
    kananan hukumomi biyu sun yi masa illa a zaben. Melaye ya samu kuri'u
    376 a karamar hukumar Koton Kafe yayin da Adeyemi ya samu kuri'u 287.
    A Ijumu, dan takarar na PDP ya samu kuri'u 577 yayin da abokin
    karawarsa na APC ya samu kuri'u 364.

    A halin yanzu ana jiran sakamakon
    sauran kananan hukumomin a lokacin hada wannan rahoton. Hukumar zabe
    INEC ta bayyana zaben ranar 16 ga watan Nuwamba a matsayin wanda bai
    kammalu ba wato (inconclusive) kasancewar kuri'un da aka soke sunfi
    yawan wadanda wanda ke kan gaba ya bada tazara. Adeyemi ya samu jimla
    kuri'u 80,118 yayin da Melaye ya samu kuri'u 59,548. Hakan na nuna
    akwai tazarar 20,570 yayinda aka soke kuri'u 43,127.
    • Facebook Comments
    Item Reviewed: Melaye vs Adeyemi: APC ta yi wa PDP fintinkau a sakamakon kananan hukumomi 4 cikin 7 Rating: 5 Reviewed By: -
    Koma Sama
    .disablecopypaste { -webkit-user-select: none; Chrome/Safari/Opera/Opera mini -moz-user-select: none; Firefox -ms-user-select: none; Internet Explorer/Edge -webkit-touch-callout: none; iOS Safari} And in your html:

    This text can’t be copied (cannot be selected).

    // Deactivating distracting Text Selection: // from: http://stackoverflow.com/questions/1794220/how-to-disable-mobilesafari-auto-selection $.fn.extend({ disableSelection : function() { this.each(function() { this.onselectstart = function() { return false; }; this.unselectable = "on"; $(this).css('-moz-user-select', 'none'); $(this).css('-webkit-user-select', 'none'); }); } }); $(function() { $(this).disableSelection(); });