Legit Hausa
A kwanakin baya ana ta yada jita-jita akan cewa auren jaruma
Sadiya Adam ya mutu, inda ita kuma a lokacin ta fito ta karyata wannan magana,
inda har take bayyana cewa a yayin da take maganar ma ta dawo daga asibiti ne
wajen awo, ma'ana dai tana nan a gidan mijin ta.
Kwatsam sai muka ci karo da wani rahoto wanda jaridar
dimokaradiyya ta wallafa wanda yake tabbatar da mutuwar auren jarumar gami da
bayyana cewa an ganta ta tare a otel din ni'ima na tsawon wani dogon lokaci ga
dai abin da jaridar ta wallafa akan wannan lamari:
"Zaman me Sadiya Adamu take yi a otel din Ni'ima? "Duk a cikin shirin 'yan fim da
fina-finai, wanda jaridar Dimokuradiyya ke daukar nauyi. Daga wakilinmu Mukhtar
Yakubu Kano.
"To bayan mutuwar auren fitacciyar jaruma Sadiya Adamu
yau kusan watanni takwas kenan ta tare a Otal din Ni'ima dake Kanon Dabo inda
wasu ma suke cewa a cikin Otal din ta yi zaman iddar auren.
"Domin kuwa tun
da auren ya mutu ta dawo ta tare a wajen ta zamar da Otal din nan ne wajen wuni
kuma wajen kwana, saboda duk lokacin da tayi tafiya ta dawo to ba ta da wajen
sauka sai otal din kuma ko da neman ta ake yi babu inda za a je a same ta in ba
Otal din ba.
"Abin tun baya damun kawayenta har ya zo yana damun su,
hakan ta sa wasu daga cikin kawayenta suka yi ta mata magana akan rashin
dacewar hakan amma jarumar ko a jikin ta.
"A yanzu dai duk wani sammakon ka in kaje Otal din za
ka iya cin karo da ita, haka ma duk daren da ka yi za ka iya samun ta don haka
duk wasu da suke ganin sun isa da ita sun yi mata magana amma ko a jikin ta don
haka suka yi watsi da ita.
"Saboda irin
cigaba na mai hakar rijiya da Sadiya Adamu ta samu, a yanzu tsohon yaron ta
wanda a baya kafin ta yi aure shi ne dan aikenta yanzu da shi take yin soyayya,
kuma an ce ta kamu da son sa sosai har ma ba ta jin maganar kowa idan ba ta sa
ba."
Idan har ta tabbata
Sadiya ta tare a otal din Ni'ima ina makomar waccan hira da jarumar ta yi da
Kannywoo Exclusive inda har ta tabbatar da cewa tana da auren ta?
Dole akwai wani abu da ba daidai ba a wannan rahotannin guda
biyu, ko dai jarumar ba ta fadawa Kannywood Exclusive gaskiya ba ko kuma ba ita
ake gani a otal din Ni'ima ba.
DAGA ISYAKU.COM
Latsa nan ka shiga group din mu domin samun Labaran mu ta Whatsapp
https://chat.whatsapp.com/D9SKfH2BjM4Deldar0KkFN