Legit Hausa
Wani karamin yaro dan kungiyar Boko Haram da aka kama ya
gwada yadda aka basu horon harbi da bindiga da kuma sarrafa makami yayin yaki.
Yaron, wanda bai wuce shekaru 15 ba a duniya, ya gwada yadda ake rike bindiga
da saka harsashi da kuma harba ta. Kazalika, ya nuna irin yadda ya kamata mutum
ya tsaya ko tsuguna wa yayin da yake rike da bindiga.
Kungiyar Boko Haram na amfani da kananan yara maza da mata
wajen kai hare-hare a jihar Borno, musamman wajen kai harin kunar bakin wake.
Ko a yau (Laraba), sai da wasu kananan yaran mata guda biyu yan kunar bakin
wake suka tayar da bama bamai a jahar Borno, inda suka kashe mutane guda uku,
sa’annan suka raunata wasu mutane Takwas, inji rahoton jaridar Guardian.
Majiyar Legit.ng ta ruwaito shugaban hukumar bada agajin
gaggawa ta jahar Borno, SEMA, Bello Danbatta ya bayyana cewa yan kunar bakin
sun kai harin ne da yammacin Talata da misalin karfe 8:30 na dare a yankin
Mafa. Boko Haram sun shafe kusan shekara 10 kenan suna yaki da gwamnatin
Najeriya da nufin kafa daular Musulunci a Najeriya, kuma suna amfani da kananan
yara musamman mata wajen kai harin kunar bakin wake a masallatai, kasuwanni,
gidajen kallo, teburin mai shayi, da kuma tashoshin mota.
DAGA ISYAKU.COM
Shiga shafinmu na Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/D9SKfH2BjM4Deldar0KkFN
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi