Wa'iyazu billahi, duba abin da dan shekara 45 ya aikata wa yarinya yar shekara 5


 Legit Hausa

Hukumar Civil Defence a ranar Talata ta gurfanar Abdulrazaq Garuba, dan shekara 45 da ke da zama a yankin Olore Abegunde dake Illori bisa zargin yiwa yarinya yar shekara biyar fyade.

Yayin da yake magana da manema labarai a Illorin, kakakin hukumar NSCDC, Mista Ayodele Bello ya bayyana cewa an kama mai laifin ne a ranar 30 ga watan Yuni bisa laifin yiwa yar makwabta mai shekara biyar fyade.

A cewar hukumar NSCDC, mahaifiyar wacce aka yiwa fyaden ta nemi doki bayan ganin fitowar diyarta daga dakin mai laifin da jini a kafafuwanta. “Karamar yarinyar ta bayyana yadda mutumin ya ja tad a kawarta zuwa dakinsa kafin kawar ta gudu daga dakin, inda aka barta ita kadai a hannun wanda yayi mata fyaden,” inji ta.

Bello ya kara da cewa mai laifin ya sanya yatsarsa a farjin yarinyan ne, wanda hakan yayi sanadiyyar zubar jini. Ya bayyana cewa binciken da aka yi a asibitin kwararru na jihar Kwara, Sobi a Illorin ya nuna cewa anyi lalata da yarinyar.

Kakakin hukuman ya kara da cewa kwamandan NSCDC, Mista Bello Ale ya bukaci iyaye da masu kula da yara dasu tabbatar da cewa sun mayar da hankali kwarai da gaske wajen kula da yara don guje ma aikin miyagun mutane akan marasa galihu.

Haka zalika, mai laifin, Garuba ya musanta zargin, inda ya bayyana cewa baya gida a ranar da aka ce al’amarin ya faru. Garuba har ila yau ya bayyana cewa wannan ya kasance karo na biyu da ake zarginsa da yiwa yara fyade, inda ya ce na farko an zarge shi da yiwa yar shekaru bakwai fyade kuma ya share mako guda a hannun yan sanda kafin a sake shi.
 

DAGA ISYAKU.COM

Shiga shafinmu na Facebook facebook.com/isyakunews

 Latsa nan ka shiga group din mu domin samun Labaran mu ta Whatsapp >>> https://chat.whatsapp.com/D9SKfH2BjM4Deldar0KkFN

 Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi
Previous Post Next Post

Celebrity Gifts

Facebook

Latsa nan ka shiga group namu na WhatsApp domin samun labarai kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilinmu garinku LATSA NAN

Korafi/ Shawara/ Tuntube mu LATSA NAN