Legit Hausa
Rundunar 'yan sandan jihar Legas ta kama Uba da Da da laifin
yin garkuwa da wani mutumi mai suna Mathew Isichei Chukwuebuka mai shekaru 19,
wanda yake hannunsu na tsawon kwanaki tara. A jiya Laraba da yake tabbatar da
faruwar lamarin, mai magana da yawun rundunar 'yan sandan na jihar Legas, DSP
Bala Elkana, ya ce mutumin da lamarin ya shafa ya fada hannun barayin ne a
Ibadan, bayan kawai ya daga kiran waya da wata number da bai sani ba.
"Ranar 4 ga watan Yuli da misalin karfe 12:16 na dare,
jami'an bincike na musamman sun fara binciken wani aiki da helkwatar 'yan sanda
ta Abuja ta aiko musu zuwa garin Ibadan dake jihar Oyo. "Jami'an sunyi
binciken nasu cikin kwarewa ta hanyar amfani da na'urori, inda a karshe suka
kama mutane biyu masu suna; Thoa Akorede da kuma Muhibudeen Akorede.
"Sun kuma samu
nasarar ceto rayuwar Mathew Isichei Chukwuebuka, wanda yake hannunsu na tsawon
kwanaki tara babu abinci. "A bayanin da ya bayar Mathew ya bayyana cewa an
kira wayar shine, yana dagawa kawai sai ya tsinci kanshi a Ibadan, da zuwan shi
sai aka bashi wani abu daga cikin wata bakar tukunya yaci.
"Yana ci hankalinshi ya fita a jikinshi, suka umarceshi
da ya basu wayarshi, suka sanya wayar kira ya daina shigowa, sai na layin da
suke neman kudin fansa dashi kawai ne yake shiga. "Sun kuma kwace duka
kudin da ke wajenshi, kuma suna bukatar kari. Sun dauke shi zuwa wajen ATM,
inda suka cire naira dubu guma daga cikin asusun shi. "Sun bukaci a biya
kudin fansa naira miliyan talatin kuma a tura kudin cikin asusun mutumin
Mathew," in ji shi. Kakakin rundunar ya kara da cewa tuni an hada Mathew
da 'yan uwanshi.
DAGA ISYAKU.COM
Shiga shafinmu na Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/D9SKfH2BjM4Deldar0KkFN
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi