Asiri ya tonu! An kama dan kasuwa yana luwadi da yara 2 a cikin shago


Legit Hausa

Friday Okeke, wani mutum da aka kama da laifin aikata luwadi da kananan yara, ya shaida wa 'yan sanda cewa yafi jin dadin lalata da yara maza masu karancin shekaru a kan mata. Jami'an rundunar 'yan sanda sun ce sun kama Okeke, dan kasuwa, dumu-dumu ya na lalata da yara biyu a cikin shagonsa da ke Ebute-Ero a jihar Legas.

Kazalika sun bayyana cewa ya shaida musu da bakinsa cewar ya na kyamar mata, musamman kazamai daga cikinsu. A cewar 'yan sandan, Okeke ya shaida musu cewa mata sun bata kansu da kyale-kyale da salon shiga irin na Amurkawa yayin da maza suka zabi zama a yadda halittarsu ta ke. Okeke ya ce, "na kan ji jama'a na cewa wai masu saduwa da maza na yin hakan ne saboda dalilan tsafi, amma, ni a wuri na, don jin dadi ne, na fi jin dadin kwanciya da yara maza a kan mata, duk da na yi nadamar saka yara a cikin harkar luwadi."

Okeke ya bayyana cewa yara da yawa na shiga harkar luwadi ta hannun mutanen yaran da suka amince tare da sakin jiki da su. Kakakin rundunar 'yan sandan jihar Legas, Bala Elkana, ya shaida wa manema labarai cewa sun kama Okeke, mazaunin gida mai lamba 23 a kan titi Kose, bayan samun korafi daga wurin iyayen wasu yara.

Elkana ya ce iyayen yaran sun shigar da korafin zargin Okeke da yaudarar yaransu (da aka boye sunayensu), masu shekaru 12 da 9, zuwa shagonsa tare da saduwa da su ta dubura. Kakakin ya kara da cewa an dauki yaran zuwa babban asibitin jihar Legas domin gudanar da bincike a kan lafiyarsu, yayin da wata rundunar 'yan sanda ta musamman karkashin DPO na ofishin Ebute Ero ta kama Okeke.
 

DAGA ISYAKU.COM

Shiga shafinmu na Facebook facebook.com/isyakunews

Latsa nan ka shiga group din mu domin samun Labaran mu ta Whatsapp >>> https://chat.whatsapp.com/D9SKfH2BjM4Deldar0KkFN

Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi
Previous Post Next Post