Legit Hausa
Yakubu Saliu Danladi, matashi mai shekaru 34, ya zamam
shugaban majalisar dokokin jihar Kwara.Wannan shine karo na farko da Danladi ya
fara zuwa majalisar dokokin bayan ya lashe zabe a karkashin inuwar jam'iyyar
APC daga mazabar Ilesha-Gwanara.
Honarabul Saheed Popoola, mamba a majlisar daga mazabar
Balogun-Ojomu da ke karamar hukumar Offa, ne ya fara bayyana sunan Danladi a
matsayin wanda zai jagoranci majalisar kafin daga bisani ya samu goyon bayan
abokinsa honarabul Haliru Danbaba.
Da ya ke karbar mukamin shugabancin majalisar, Danladi ya
bayyana cewar ya sadaukar da kansa domin hidinmta wa majalisar da jihar Kwara.
Da yake gabatar da shi a gaban ragowar mambobin majalisar, Popoola ya ce an
haifi Danladi, mamba daga mazabar Ilesha/Gwanara a karamar hukumar Baruten, a
ranar 31 ga watan Mayu na shekarar 1985 a garin Gwanara.
Ya yi karatun makarantar Firamare a Gwanara daga shekarar
1988 zuwa 1993, daga nan ya tafi makarantar Sakandire ta St Anthony dake garin
Ilorin, wacce ya kamma a shekarar 2001. Ya yi karatun difloma da babbar difloma
a bangaren injiniyarin a kwalejin kimiyya ta kasa da ke garin Kaduna (KADPOLY)
daga shekarar 2003 zuwa 2008.
DAGA ISYAKU.COM
Shiga shafinmu na Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/D9SKfH2BjM4Deldar0KkFN
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi