Legit Hausa
Wani matashin dalibi dan shekara 29 na Waziri Umaru Federal
Polytecnic , Birnin kebbi kuma mazauni a unguwar badariya, wanda aka bayyana a
matsayin Solomon Benedict ya halaka kansa a dalilin matsanancin talauci.
Benedict dai ya halaka kansa ne ta hanyar shan maganin kwari a cikin madarar
yogut.
Abokananshi sunyi kokarin ceto rayuwarshi amma abin yaci
tura. A lokacin da yake zantawa da yan jarida ranar Talata, 11 Yuni 2019, wani
aboki marigayin ya bayyana cewa “ mun lura da cewa bashi da sauran sukuni. Ya
kama cikinsa sai daga baya muka lura cewa ya gauraya maganin kwari cikin abin
shansa. Ya rasa ransa kafin mu ceto shi."
Bayanai sun nuna cewa matashin ya rasa ransa a lokacin da
ake kokarin kaishi asibiti mafi kusa don ceto rayuwarshi. Wata abokiyar mamacin
dake a garin Jega, ta zanta da yan jarida inda kuma ta bukaci a sakaye sunanta
ta ce” tun da dadewa yake ce mani zai kashe kansa, idan matsanancin talaucin da
yake fama dashi bai rage ba. Amma ban taba yadda da gaske yake ba.
Na tuna duk sanda ya ziyarce ni a Jega, yana zanta mani akan
matsin da yake fama dashi na rashin kudi, sai in bashi yan kudin mota da zai
koma Birnin kebbi, kuma yakan gaya mani cewa idan lamarinshi bai inganta ba zai
kashe kanshi."
Ta kara da cewa "Nayi mamaki matuka lokacin da na samu
kiran waya daga Sokoto ana fada mani cewa Solomon ya kashe kansa” Mai magana da
yawun Hukumar yan sanda ta jihar Kebbi DSP Nafi’u Abubakar, ya tabbatar da
afkuwar lamarin ga yan jarida a lokacin da yake zantawa dasu ta waya a ranar
Talata, 11 Yuni 2019. Yace ”kwarai muna da masaniya akan afkuwar lamarin. Yaron
shekararshi 29. Ya halaka kansa a unguwar badariya dake Birnin Kebbi"
DAGA ISYAKU.COM
Shiga shafinmu na Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/D9SKfH2BjM4Deldar0KkFN
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi