Gwamnan Bauchi ya sha alwashin dukufa domin yin sulhu tsakanin Sarki Sanusi da Ganduje


Legit Hausa

Gwamnan jihar Bauchi, Sanata Muhammad Bala Abdulkadir ya bayyana damuwarsa akan rikicin da ke faruwa tsakain Sarkin Kano Muhammad Sanusi II da gwamnan jihar, Abdullahi Umar Ganduje. Gwamnan ya sha alwashin jagorantar wata tawaga domin kawo sasanci a kan lamarin.

Gwamnan wanda ke rike da sarautar Kauran Bauchi, ya bayyana hakan ne a yayinda tawagar Sarki Sanusi karkashin jagorancin Makaman Kano, Alhaji Abdullahi Sarki Ibrahim, suka kai masa ziyarar taya murna akan zama gwamnan jihar Bauchi da yayi.

Sanata Bala ya nuna mtukar damuwa, inda ya bayyana rikicin a matsayin koma-baya ga ci gaban yankin arewaacin kasar da ma Najeriya baki daya. Gwamnan ya ja hankalin takwarorinsa gwamnoni da su tsame kansu cikin siyasantar da sha’anin Sarauta, yana mai bayyana cewar Sarakuna suna da cikakken ikonsu da martabarsu wajen gina kasa da al’ummar kasa.

A halin da ake ciki, Legit.ng ta rahoto a baya cewa wata kotu da ke zama a Kano a ranar Alhamis, 27 ga watan Yuni ta dage sauraron karar da mahukuntan fadar jihar suka shigar akan Gwamna Umar Ganduje da wasu mutane bakwai.

Mahukunta hudu na fadar Kano, Yusuf Nabahani (Madakin Kano), Abdullahi Sarki Ibrahim (Makaman Kano), Bello Abubakar (Sarkin Dawakin Mai tuta) da Muktar Adnan (Sarkin Mai Kano), sun shigar da karar Kakakin majalisar dokokin Kano, Gwamnan jihar Kano, Babban alkali , Tafida Abubakar Ila, Ibrahim A Gaya, Ibrahim Abubakar II da Aminu Ado Bayero bisa kafa sabbin masarautu da nada sarakuna.
 

DAGA ISYAKU.COM

 Shiga shafinmu na Facebook facebook.com/isyakunews

Latsa nan ka shiga group din mu domin samun Labaran mu ta Whatsapp >>> https://chat.whatsapp.com/D9SKfH2BjM4Deldar0KkFN

Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi
Previous Post Next Post

Celebrity Gifts

Facebook

Latsa nan ka shiga group namu na WhatsApp domin samun labarai kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilinmu garinku LATSA NAN

Korafi/ Shawara/ Tuntube mu LATSA NAN