Legit Hausa
Mabiya darikar siyasar Kwankwasiyya dake karkashin
jagorancin tsohon gwamnan jahar Kano, Sanata Rabiu Musa Kwankwaso na cike da
farin ciki biyo naso da manufar darikarsu tayi zuwa wajen Najeriya.
Legit.ng ta ruwaito a
makon data gabata ne aka jiyo Sanata Rabiu Kwankwaso yana bayyana yadda darikar
Kwankwasiyya ta samu karbuwa a duk fadin duniya bama cikin Najeriya kadai ba, a
cikin wata hira da yayi da manema labaru.
“Kai bama Kano ba, bama Najeriya ba, hatta kasashen waje
akwai yan Kwankwasiyya, nan wani yaro daga kasar Gambia yazo karatu Najeriya a
jami’ar Obasanjo ta Bells, sai yaga daliban Kano dayawa yace waya turosu aka ce
masa Kwankwaso.
“Daga nan ya dauki alwashin sai ya sadu dani, haka ya biyoni
har Kaduna bayan mun yi wani taro a Abuja, yace ni yake so na sanya masa hular
Kwankwasiyya, kuma na sanya masa hularmu, a yanzu haka yaron ya zama dan majalisa
a kasar Gambia, dayake majalisa dayace a kasar, tamkar Sanata yake.” Inji shi.
A yanzu haka Kwankwaso ya isa kasar Gambia domin ganawa da
wannan matashi, inda isarsa filin sauka da tashin jirage na kasar dake Banjul
ya samu tarbar Sanata Billay G Tunakara, wanda yayi masa rakiya har zuwa
masaukinsa.
DAGA ISYAKU.COM
Shiga shafinmu na Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/D9SKfH2BjM4Deldar0KkFN
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi