• Labaran yau


    Yanzu Yanzu: An zabi gwamnan Kebbi a matsayin shugaban kungiyar gwamnonin APC


    Legit Hausa

    An zabi gwamnan jihar Kebbi, Atiku Bagudu, a matsayin shugaban Kungiyar gwamnonin jam’iyyar APC Legit.ng ta rahoto cewa kungiyar ta bayyana haka ne a shafinta na tweeter a ranar Juma’a, 24 ga watan Mayu. 

    An tattaro cewa an zabi Bagudu ne a taron gwamnoni da aka gudanar a Abuja a daren ranar Alhamis, 23 ga watan Mayu, a masaukin gwamna. Bagudu, wanda aka hada kai aka zabe shi, zai maye gurbin Gwamnan jihar Imo, Rochas Okorocha wanda mulkinsa zai kare a ranar 29 ga watan Mayu. 

    A halin da ake ciki, Legit.ng ta rahoto a baya cewa an zabi Gwamna Kayode Fayemi, wanda ya kasance tsohon ministan albarkatun kasa a matsayin shugaban kungiyar gwamnonin Najeriya a lokacin taron kungiyar a Abuja.

    An rahoto cewa gwamnan jihar Ekiti ya yi nasara a matsayin wanda aka fi so ya gudanar da harkokin kungiyar bayan gwamnonin sun ki amincewa da gwamnan jihar Kaduna Nasir El-Rufai.
     

    DAGA ISYAKU.COM

    Ku biyo mu a Facebook facebook.com/isyakunews

    Latsa nan ka shiga group din mu domin samun Labaran mu ta Whatsapp >>> https://chat.whatsapp.com/CM9VNSwQfZnIDKvffzvbiM

    Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi
    • Facebook Comments
    Item Reviewed: Yanzu Yanzu: An zabi gwamnan Kebbi a matsayin shugaban kungiyar gwamnonin APC Rating: 5 Reviewed By: -
    Koma Sama