• Labaran yau


    Wani gwamnan Arewa ya haramta amfani da bakar leda a jaharsa


    Legit Hausa

    A yayin da kabilun jahar Taraba da na jahar Benuwe ke cigaba da baiwa hammata iska wanda hakan yayi sanadiyyar asarar rayuka da dimbin dukiya a tsakaninsu, shi kuwa gwamnan jahar Taraba, Darius Ishaku ba wannan matsalar bace a gabansa.

    Legit.ng ta ruwaito gwamnan jahar Taraba, Darius Ishaku ya haramta amfani da bakar leda a jahar Taraba kwata, kai bama bakar leda ba, kowanne irin ledar amfani yau da kullum da duk wata jakar da aka sarrafata da roba Darius Ishaku ya bayyana cewa yayi wannan doka ne domin shawo kan barazanar da ledoji ke yi ma muhalli a jahar Taraba, kamar yadda ya bayyana a yayin kaddamar da tsarin tsaftace ruwa, tsaftace muhalli da kuma tsaftar jiki. 

    Gwamnan ya bada tabbacin nan bada jimawa ba zai aika da kudurin dokar haramta amfani da leda a jahar Taraba ga majalisar dokokin jahar domin ta samu amincewarsu ta yadda zama tabbatacciyar doka mai zaman kanta. 

    Haka zalika gwamnan ya bayyana godiyarsa bisa kokarin samar da tsaftataccen ruwan sha ga al’ummar jahar da hukumar bada tallafi ta kasar Amurka, USAID da na kasar Japan JAICA suke yi, don haka ya bukaci hukumar ruwan sha ta jahar data tabbata ta kula da lafiyar bututun dake kai ruwa ga jama’a a jahar.
     

    DAGA ISYAKU.COM

    Ku biyo mu a Facebook facebook.com/isyakunews

    Latsa nan ka shiga group din mu domin samun Labaran mu ta Whatsapp >>> https://chat.whatsapp.com/CM9VNSwQfZnIDKvffzvbiM

    Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi
    • Facebook Comments
    Item Reviewed: Wani gwamnan Arewa ya haramta amfani da bakar leda a jaharsa Rating: 5 Reviewed By: -
    Koma Sama