Legit Hausa
Cikin dabarun da suka bullo da ita
shine dena amfani da lambar motoccinsu da ke nuna cewa su 'yan majalisun
tarayya ne. Wadanda su kayi magana da majiyar Legit.ng sun ce 'yan majalisun
sun dauki wannan matakan ne saboda suna tsoron masu garkuwa da mutane. Sun kuma
ce 'yan majalisun sun dena sanar da mutane wuraren da za su tafi har hadimansu
da masu aiki a gidajensu ma ba su amince da su ba a yanzu.
Sun ce wasu tsirarun amintattunsu ne
kadai suke sanin inda za su tafi da lokutan tafiyarsu da dawowa. Ra'ayoyin 'yan
majalisar ya rabu a kan batun tafiya tare da masu tsaron su a hirar da su kayi
da Saturday Punch.
A makon da ta gabata, mun ruwaito
muku cewa wasu daga cikin jiga-jigan 'yan Najeriya sun dena bin hanyar Abuja
zuwa Kaduna saboda tsoron masu garkuwa da mutane. Hakan ya sa farashin tikitin
jirgin kasa ya yi tashin gauron zabi saboda yanzu al'umma sun gwammace suyi
tafiya a jirgin kasan.
Wani dan majalisa daga yankin Arewa
maso Tsakiya ya ce yanzu a boye ya ke tafiya inda ya kara da cewa wadanda suke
tare da shi ba su sanin inda ya ke tafiya a yawancin lokuta. Wani dan
majalisar, Mr Olusegun Odebunmi ya ce baya tunanin amfani da lambar gwamnati a
wajen Abuja abu ne mai kyau a yanzu saboda tsaro.
Ya ce: "Muna cikin hatsari.
Idan kana zaune a cikin Abuja ne toh babu laifi idan kayi amfani da lambar
gwamnati amma idan za ka fita daga Abuja zai fi kyau ka cire lambar sai dai
idan kana tare da masu tsaronka na musamman."
Ku biyo mu a Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/CM9VNSwQfZnIDKvffzvbiM
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi