Legit Hausa
Kungiyar tattalin arzikin kasashen
yankin Afirka ta Yamma, ECOWAS (Economic Council of West African States), ta ce
za a fara amfani da samfurin kudi na bai daya cikin wasu zababbun kasashe da
yankin ya kunsa a shekarar 2020.
Shugaban majalisar tarayyar kasar
Senegal, Moustapha Niasse, shi ne ya bayyana hakan yayin jagorantar wani taron
karawa juna sani a jiya Litinin tare da shugaban kungiyar ECOWAS, Jean-Claude
Kisse Brou da kuma kakakin kungiyar, Moustapha Cisse Lou.
Majiyar jaridar Legit.ng ta ruwaito
cewa, an gudanar da wannan taro domin tattauna batutuwa na kalubalen kaddamar
da amfani da samfurin kudi na bai daya cikin kasashen yankin Afirka ta Yamma.
Kakakin kungiyar, Moustapha Cisse
Lou ya bayyana cewa, amfani da samfurin kudi na bai daya cikin kasashen ECOWAS
zai yaye shinge da kuma shamaki na harkokin kasuwaci da mu'amala ta kudade
domin habaka tattalin arziki.
Ya yi kira ga dukkanin masu ruwa da
tsaki da su jajirce tare da tsayuwar daka wajen tabbatuwar wannan muhimmin
lamari na amfani da samfurin kudi na bai daya a kasashen ECOWAS domin
kyautatuwar fidda A'i daga Rogo.
Majalisar Shugabannin kungiyar
ECOWAS ta kuma yi kira ga gwamnatocin kasashen yankin kan tumke damarar su tare
da cimma matsaya ta karbar wannan kudiri hannu biyu-biyu gabanin shekarar 2020
da aka kayyade domin kaddamar da samfurin kudi na bai daya a kasashen yankin.
Ku biyo mu a Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/CM9VNSwQfZnIDKvffzvbiM
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi
