Legit Hausa
Shugaban kasa Muhammadu Buhari ya bayyan farin cikinsa game
da matakin da wasu jerin gwanon jam’iyyun siyasar Najeriya suka dauka na mara
amince da takararsa tare da mara masa baya a zaben 2019 dake karatowa.
Legit.ng ta ruwaito Buhari ya bayyana haka ne yayin da ya
karbi bakoncin hadaddiyar kungiyar jam’iyyu masu son cigaban Najeriya, CPPP, a
fadar shugaban kasa dake babban birnin tarayya Abuja, a ranar Juma’a 18 ga
watan Janairu. Kungiyar tace ta kai ma Buhari ziyara ne domin jaddada goyon
bayansu gareshi kamar yadda suka yi a zaben 2015, inda Buhari ya bayyana
farincikinsa tare da amincewa da bukatarsu, kamar yadda suka nema.
A jawabinsa, Buhari yace: “Na gamsu da dagiyarku,
mutuncinku, martabarku da kuma jajircewa, na ji dadin matakin da kuka dauka na
goyon bayana a zaben 2019, na yaba da amincewar da kuka nuna mini, kuma wannan
ziyara taku ta kara min kwarin gwiwa.” Inji shi. S
hugaban tawagar, Bashir Yusuf Ibrahim ya bayyana cewa
matakin da suka dauka na goyon bayan Buhari baya rasa nasaba da kokarin da yayi
a fagen shimfida ayyukan alheri ga yan Najeriya, tare da nasarorin da aka samu
akan ayyukan. Bashir yace sun gamsu da ayyukan cigaba da gwamnatin Buhari ke
shimfida ma yan Najeriya, musamman yaki da masu garkuwa da mutane, yan bindiga,
barayin shanu, yaki da rashawa da kuma yaki da ta’addanci.
Jam’iyyu 13 da suka mara ma Buhari baya sun hada da;
Advanced Allied Party-AAP; Africa Peoples Alliance-APA; Freedom & Justice
Party-FJP; KOWA Party; New Progressive Movement-NPM; Peoples Democratic
Movement-PDM; da Accord Party-AC.
Sauran sun hada da; Sustainable National Party-SNP; New
Nigeria Peoples Party-NNPP; Unity Party of Nigeria-UPN; United Progressive
Party-UPP; National Democratic Liberty Party-NDLP; Nigeria Elements Progressive
Party-NEPP; da Yes Electoral Party-YEP.
DAGA ISYAKU.COM
Ku biyo mu a Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/KIHbQShlAs2GexpIYyxleG
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi