Daily Trust ta ruwaito cewa jami'an tsaro sun yi yi ta harbi a sama domin su raba wata rigima da ta barke kuma ta rikide zuwa tashin hankali tsakanin matasan wasu bangarori da basu ga maciji da juna a kungiyar NURTW, wa'danda ke wajen taro. Sakamakon hargitsi da tashin hankalin ya haifar ne ya sa jami'an 'yansanda da na Civil Defence suka fara harbi a sama.
Wannan ya sa taro ya watse domin jama'a sun ranta na kare yayin da 'yansanda suka dinga kama na kamawa suna saka su a cikin motarsu, wasu kuma suka dinga ketare katangar filin suna fadawa a bangaren titin Oba Akinjobi.
Bayanai sun ce ana fargaban cewa an kai ma wani jigo a kungiyar NURTW na jihar Lagos Musiliu Akinsanya da aka fi sani da suna Oluomo hari, amma kokari manema labarai na jin ta bakinsa ya ci tura.
DAGA ISYAKU.COM
Ku biyo mu a Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/KIHbQShlAs2GexpIYyxleG
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi