Legit hausa
Rahotanni sun kawo cewa jam’iyyar All Progressives Congress
(APC), reshen jihar Sokoyo ta dakatar da mataimain shugaban jam’iyyar na yankin
Arewa maso yamma, Inuwa Abdulkadir, kan zargin yin ayyukan da suka sabama
jam’iyyar. Korar ta sa ta biyo bayan wani rubutaccen korafi da daya daga cikin
‘yan jam’iyyar APC da ke mazaba daya da Inuwa, ta Magajin Gari Ward A, mai suna
Na’ibi Abubakar ya rubuta kuma ya aika wa uwar jam’iyyar ta jihar Sokoto.
Jaridar Premium Times ta ruwaito cewa dakatar da Abdulkadir
ya biyo bayan korafi da dan jam’iyyar APC da ke mazaba daya da Inuwa, ta
Magajin Gari Ward A, mai suna Na’ibi Abubakar ya rubuta kuma ya aika wa uwar
jam’iyyar ta jihar.
An zargi Inuwa mai lambar rajista da APC ta SOK/SON/04006510
da aikata laifukan da aka ce duk yi wa jam’iyya zagon-kasa ne, tozarta ta da
kuma rashin maida hankali kan kulawa da hidimta wa jam’iyya. An tattaro cewa
har yanzu Inuwa ya na nuna kusancin sa da Tambuwal da kuma sinsinar PDP da ya
ke yi, domin har yau bai ajiye mukamin sa na Shugaban Hukumar Gudanarwar
Jami’ar Jihar Sokoto ba, mukamin da Tambuwal ya nada shi, a lokacin da gwamnan
ke cikin jam’iyyar APC.
An kafa kwamitin da ya binciki wadannan zarge-zarge da aka
yi wa Inuwa, kuma kwamiti duk ya tabbatar da gaskiyar haka. Wannan ce ta sa
gaba dayan Mambobin Kwamitin Gudanarwar APC na jihar Sokoto su arba’in su ka sa
hannun amincewa a kore shi.
DAGA ISYAKU.COM
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/AlFUDQouyehJRacXxBzbX0
WAYAR KA TA LALACE KO KANA BUKATAR FLASHING?
Garzaya zuwa SENIORA TECH,shago mai lamba 50, hawa na sama gefen hagu,TAUSHI PLAZA , yamma daga gidan marigayi Waziri Umaru,kan Tiltin Ahmadu Bello, Nassarawa, Birnin kebbi jihar Kebbi. Barka da zuwa gidan sauki wajen gyaran wayar salula a garin Birnin kebbi.