Atiku ba barawo bane, ba zai taba satar dukiyar Najeriya ba, a cewar matar sa Titi


Legit hausa

Titi Abubakar, matar dan takarar shugaban kasa a karkashin jam'iyyar PDP, Atiku Abubakar, ta ce mijinta ba barawo ba ne kuma ba zai taba satar dukiyar Najeriya ba. Titi ta bayyana haka ne yayin da wata kungiyar mata ta kai ma ta ziyara a gidanta da ke Abuja.

Ta bayyana cewar Atiku attajiri ne da ba zai taba shiga takarar neman shugabancin Najeriya don kawai ya yi sata ba. "Ya shiga takara ne kawai don bawa Najeriya gudunmawa kamar yadda shi ma kasar ta bashi gudunmawa wajen zama abinda ya zama.

 "Atiku ya rasa mahaifinsa tun yana karami, ya tashi ne a hannun mahaifiyar sa, wacce ya fara yiwa talla domin samun kudin daukan nauyin karatun sa. Saboda irin kalubalen da ya fiskanta na tashi a hannun mace, Atiku ya kasance mai matukar tausayi da jin kai ga mata da matasa.

"Hakan ne ma ya sa shi daukan alkawarin cewar zai bawa mata da matasa kashi 40% na makaman gwamnati, idan aka zabe shi a matsayin shugaban kasa," a cewar Titi. Titi ta kara da cewar ana bata sunan Atiku ne kawai ta hanyar cewa ya yi sata saboda wasu mutane ba sa son ya zama shugaban kasa.

Ta kara da cewa har yanzu babu wata hukumar yaki da cin hanci da ta taba gayyatar Atiku domin bincikensa a kan cin hanci. A nata bangaren, shugabar kungiyar matan, Princess Ngozi, ta ce sun roki Allah domin ya bawa Atiku nasara a zabe mai zuwa domin ceto Najeriya daga mawuyacin halin da tsinci kanta.
 

DAGA ISYAKU.COM


Shiga shafin mu na Facebook facebook.com/isyakuweb

Latsa nan ka shiga group din mu domin samun Labaran mu ta Whatsapp >>> https://chat.whatsapp.com/AlFUDQouyehJRacXxBzbX0

Shiga cikakken shafin mu kai tsaye www.isyaku.com Tuntube mu ta SMS ko TEXT kawai zuwa 08087645001 ba mu amsa kira

WAYAR KA TA LALACE KO KANA BUKATAR FLASHING? 

Garzaya zuwa SENIORA TECH,shago mai lamba 50, hawa na sama gefen hagu,TAUSHI PLAZA , yamma daga gidan marigayi Waziri Umaru,kan Tiltin Ahmadu Bello, Nassarawa, Birnin kebbi jihar Kebbi. Barka da zuwa gidan sauki wajen gyaran wayar salula a garin Birnin kebbi.

0/Post a Comment/Comments

Rubuta ra ayin ka

Previous Post Next Post