Tun da fari sai da kwamitin tsara zaben da uwar jam’iyyar
APC ta turo ya fitar da tsarin da za a yi amfani da shi don gudanar da zaben,
amma sai bangare na ‘yan takarar suka nuna rashin gamsuwa da tsarin, lamarin ya
jawo barkewar cece-kuce da musayar yawu da ta kai ga har an bawa hammata iska.
Kwamitin zaben ya amince da gudanar da zaben ne ta hanyar
kai tsaye, da ake kira kato bayan kato, amma sai bangaren masu adawa da dan
takarar da gwamna Yari ya tsayar suka bayyana shakku a kan sharudan da kwamitin
ya zayyana za ai amfani da su kafin gudanar da zaben.
Shi dai kwamitin ya gindaya sharadin cewar sai an tabbatar
da sunan mutum a rajistar jam’iyya kafin a amince ya bi layi domin kidaya shi
sannan sun nemi a kawo masu wasu ma’aikata daban da zasu gudanar da aikin
zaben.
Wadannan sharuda ne bangaren masu adawa da dan takarar
gwamna suka ce sam basu amince da su ba, su na masu nuna shakku a kan gaskiyar
rajistar ‘yan jam’iyya da kwamitin ke shirin amfani da ita.
Tuni dai wasu masu nazarin siyasa ke jin tsoron cewar APC
zata iya rasa dan takarar gwamna a jihar Zamfara, musamman ganin cewar yau ne
hukumar zabe ta tsayar a matsayin rana ta karshe da zata karbi sunayen ‘yan
takara daga jam’iyyu.
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/AlFUDQouyehJRacXxBzbX0 Shiga cikakken shafin mu kai tsaye www.isyaku.com Tuntube mu ta SMS ko TEXT kawai zuwa 08087645001 ba mu amsa kira
KANA ZAUNE A BIRNIN KEBBI? WAYAR KA TA LALACE KO KANA BUKATAR FLASHING?
Garzaya zuwa SENIORA TECH,shago mai lamba 50, hawa na sama gefen hagu,TAUSHI PLAZA , yamma daga gidan marigayi Waziri Umaru,kan Tiltin Ahmadu Bello, Nassarawa, Birnin kebbi. Barka da zuwa gidan sauki wajen gyaran wayar salula a garin Birnin kebbi.
Hausa.naija.ng