Header Ads

Labarin wani Sarki mai hikima

A zamanin da ,a Birnin Fahshar an yi wani Sarki mai suna Sultamari wadda mulkinsa cike yake da adalci da son daidaita gaskiya a tsakanin al'umma.

Wata rana sai manyan mutane a garin kamar su Wazirins,Ubandawaki,Shamaki,Shantali da dai sauransu suka je gurin Sarki Sultamari a yayinda yake a cikin gonar Lambun sa inda yake hutawa sai suka fadi suka yi gaisuwa.

Sarki ya amsa gaisuwarsu sai yace da Waziri yau lafiya kuwa aka biyo nihar cikin Lambu? Waziri yace Lafiya kalau ran Sarki ya dade face sun zo ne da wata bukata guda daya amadadin jama'ar gari.

Sarki yace to miye wannan bukatar? Waziri ya shaida masa cewa sun kula cewa Karuwai sun yi yawa a garin kuma hakan zai iya bata masu yara da tarbiyyar su.

Sai Sarki yace ku dakata ina zuwa,sai ya tashi yadauki buta yaje ya kama ruwa sai ya dawo ya zauna ya cire hula yayi alwala sai ya dauko Alkur'ani ya daga yayi rantsuwa da Allah cewa shi bai taba ZINA ba kuma yana son kowane mutum a cikinsu ya tashi yayi Alwala yayi rantsuwa akan cewa bai taba yin zina ba tunda Mahaifiyarshi ta haife shi.

Gabadaya dai babu wadda ya iya yin abin da Sarki ya yi....sai Sarki yace ku tashi ku tafi ku tarbiyantar da kanku da 'ya'yanku


Kaunace mu a Facebook https://www.facebook.com/isyakuweb Don samun labaranmu ta Whatsapp ka rubuto YES a SMS zuwa 08087645001. Shiga cikakken shafinmu. www.isyaku.com

No comments:

Rubuta ra ayin ka