Da
yammacin yau Juma'a kungiyar 'Yan uwa Musulmi wanda aka fi sani da
Shi'a da ke garin Birnin kebbi suka gudanar da wani tattaki na lumana
daga Illela yari wanda ya biyo da su zuwa babban titin Ahmadu Bello kuma
suka dakatar da tattakin a babban filin wasa na Haliru Abdu da ke garin
Birnin kebbi inda suke neman Gwamnati ta sako jagoransu Sheikh Ibrahim El-zakzaky wanda hukumomi ke ci gaba da tsare shi.
Malam
Umar Bello daya daga cikin manyan Malamai na 'Yan uwa Musulmi a Birnin
kebbi ya shaida wa ISYAKU.COM cewa "wannan fitowa ba shine na farko ba ,
yace sunyi wannan tattakin ne domin kira a saki jagoran su Mal.Ibrahim El-zakzaky wanda ake tsare da shi kusan shekara biyu wanda yake Kotu ta
bayar da umarni a sake shi kuma a biya shi diyya da shi da mai Dakin sa
amma har yanzu ba'a sake shi ba kuma babu wani jawabi da aka yi akan ci
gaba da tsare shi."
Malam
Umar yayi kira ga Gwamnatin jihar Kebbi akan ta sa baki domin a tabbatar
da adalci ta hanyar sako jagoran su Mal.Ibrahim El-zakzaky.Ya kuma kara
da cewa jama'a su ji tsoron Allah,domin abubuwan da ake fada na batanci
akan su duka za'a hadu gobe Kiyama gaban Allah idan abin da ake fada
akan su ba gaskiya bane ta masu fadin hakan zasu sami matsala."Domin
maganganun jita-jita da ake cewa mu muka fada ba gaskiya bane,domin mu
kanmu bazamu iya fadin irin wadannan kalaman ba".
A
ci gaba da jawabin sa har'ila yau,Malam Umar yace "wadanda ke furta
irin wadannan kalaman ai sai su fada da dalili da hujja cewa ga wajen da
aka fada,hatta ma wasu litattafai da ake rubutawa ba mune ke rubuta su
ba kokuma masu ra'ayi irin namu,makiyan mu ne ke rubuta su kuma sai ace ai
munce kaza haka kuma kafofin watsa labarai, ba kafafen mu ne ba, ba kuma a
wajen mu ne aka ji ba tunda muna da namu kafofin labarai wanda ba'aji
wadannan kalaman daga garesu ba illla makiyan mu ne ke bazawa da
farfaganda cewa ai 'yan Shi'a sun ce kaza ai ya kamata duk Musulmi yaji
tsoron Allah".
@isyakuweb
https://web.facebook.com/isyakuweb
