An kama mutumin mai suna Okolo Emenike ne yayin da yake yunkurin shigo da hodar daga kasar Brazil inda ya boye su a cikin sahun wasu takalma da aka kunshe a cikin kwalaye.
Kwamandan hukumar, Hamisu Lawan ya shaidawa manema labarai a tashar jirgin sama na Abuja cewa farashin hodar iblis din ya kai pam biliyan 3.8 wanda ya yi dai dai da kimanin Naira bilyan 1.9.
Ya ce wannan mutum shi ne mutum na karshe da suka kama a shekarar 2016.
Da yake fadin yadda abun ya faru, Okolo ya bayyana cewa wani abokin sa ne ya bashi naira miliyan 1 domin ya taimaka masa wajen shigo da hodar iblis din Nijeriya.
Ya ce da ma can ya tafi kasar Brazil ne domin ya nemi abun yi sai dai hakan bai yiwu ba, al’amarin da ya sanya shi cikin matsin rayuwa. Ya kara da cewa ya na da niyyar amfani da miliyan dayan ne wajen sanya jari.
(AL'UMMATA )
Tags:
LABARI